ตญฺจ ปน นิพฺพานํ กินฺติ สจฺฉิกโรติ ฯ โย มหาราช สมฺมาปฏิปนฺโน โส
สงฺขารานํ ปวตฺตํ สมฺมสติ ปวตฺตํ สมฺมสมาโน ตตฺถ ชาตึ ปสฺสติ ชราพฺยาธิมรณํ น
ตตฺถ กิญฺจิ สุขํ สาตํ ปสฺสติ อาทิโตปิ มชฺฌโตปิ ปริโยสานโตปิ โส ตตฺถ น กิญฺจิ
คยฺหุปคํ ปสฺสติ ฯ ยถา มหาราช ปุริโส นาม ทิวสํ สนฺตตฺเต อโยคุเฬ ชลิเต ตตฺตกชาเต
อาทิโตปิ มชฺฌโตปิ ปริโยสานโตปิ น กิญฺจ คยฺหุปคํ เทสํ ปสฺสติ เอวเมว โข มหาราช
สมฺมาปฏิปนฺโน สงฺขารานํ ปวตฺตํ สมฺมสติ ปวตฺตํ สมฺสมาโน ตตฺถ ชาตึ ปสฺสติ
ชราพฺยาธิมรณํ น ตตฺถ กิญฺจิ สุขํ สาตํ ปสฺสติ อาทิโตปิ มชฺฌโตปิ ปริโยสารโตปิ
น กิญฺจิ คยฺหุปคํ ปสฺติ ฯ ตสฺส คยฺหุปคํ อปสฺสนฺตสฺส จิตฺเต อรติ สณฺฐาติ กายสฺมึ
ทาโห โอกฺกมติ โส อตาโณ อสรโณ อสรณีภูโต ภเวสุ นิพฺพินฺทติ ฯ ยถา นาม
มหาราช ปุริโส ชลิตชาลํ มหนฺตํ อคฺคิกฺขนฺธํ ปวิสิตฺวา ชาลาชาลํ อนุปวิฏฺโฐ โส ตตฺถ
อตาโณ อสรโณ อสรณีภูโต อคฺคิมฺหิ นิพฺพินฺทติ เอวเมว โข มหาราช ตสฺส คยฺหุปคํ
อปสฺสนฺตสฺส จิตฺเต อรติ สณฺฐาติ กายสฺมึ ทาโห โอกฺกมติ โส อตาโณ อสรโณ อสรณีภูโต
ภเวสุ นิพฺพินฺทติ ฯ ตสฺส ปวตฺเต ภยทสฺสาวิสฺส เอวํ อุปฺปชฺชติ จิตฺตํ สนฺตตฺตํ โข
ปนิทํ ปวตฺตํ อาทิตตํ พหุทุกฺขํ พหุปายาสํ ทิสฺสติ ภเวสุ ยทิ โกจิ ลเภถ อปฺปวตฺตํ
สกลํ เอตํ สนฺตํ เอตํ ปณีตํ ยทิทํ สพฺพสงฺขารสมโถ สพฺพูปธิปฏินิสฺสคฺโค ตณฺหกฺขโย
วิราโค นิโรโธ นิพฺพานนฺติ ฯ อิติหิทํ ตสฺส อปฺปวตฺเต จิตฺตํ ปกฺขนฺทติ ปสีทติ หาสยติ
กุหิยติ ปฏิลทฺธํ โข เม นิสฺสรณนฺติ ฯ ยถา มหาราช ปุริโส วิปฺปนฏฺโฐ วิทิสํ อเปกฺขนฺโต
นิพฺพาหนสกฏปถํ ทิสฺวา ตตฺถ ปกฺขนฺทติ ปสีทติ หาสยติ กุหิยติ ปฏิลทฺธํ เม
นิพฺพาหนสกฏปถนฺติ เอวเมว โข มหาราช ตสฺส ปวตฺเต ภวทสิสาวิสฺส อปฺปวตฺเต จิตฺตํ
ปกขนฺทติ ปสีทติ หาสยติ กุหิยติ ปฏิลทฺธํ โข เม นิสฺสรณนฺติ ฯ โส อปฺปวตฺตาย
มคฺคํ อายูหติ อาเสวติ ภาเวติ พหุลีกโรติ ตสฺส ตทตฺถาย สติ สณฺฐาติ ตทตฺถาย
วิริยํ สนฺติฏฺฐติ ตทตฺถาย ปีติ สนฺติฏฺฐติ ตสฺส ตํ จิตฺตํ อปราปรํ มนสิกโรโต ปวตฺตํ
สมติกฺกมิตฺวา อปฺปวตฺตํ โอกฺกมติ ฯ อปฺปวตฺตํ อนุปฺปตฺโต มหาราช สมฺมาปฏิปนฺโน
นิพฺพานํ สจฺฉิกโรตีติ วุจฺจตีติ ฯ สาธุ ภนฺเต นาคเสน เอวเมตํ ตถา
สมฺปฏิจฺฉามีติ ฯ

นิพฺพานสจฺฉิกรณปญฺโห ฉฏฺโฐ ฯ

ภนฺเต นาคเสน อตฺถิ โส ปเทโส ปุรตฺถิมาย วา ทิสาย ทกฺขิณาย วา